काठमाडौं । लागूऔषधसहित तीनजना पक्राउ परेका छन्।
रूपेन्देहीमा २ र कैलालीमा १ गरी तीन जना पक्राउ परेका हुन ।
जसअनुसार रूपन्देहीको कञ्चन गाउँपालिका–२ बेहोरी बस्ने ३६ वर्षीय सुशील बोहोरा र २५ वर्षीय सुरेस थारूलाई ३ सय ९० मिलिग्राम लागूऔषध ब्राउनसुगरसहित आइतबार प्रहरीले पक्राउ गरेको छ।
इलाका प्रहरी सालझण्डीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो।
उता, कैलालीको टीकापुर नगरपालिका–९ खक्रौलाबाट २ ग्राम १ सय ५० मिलिग्राम खैरो हेरोइनसहित नगरपालिका–१ दुर्गानगर बस्ने २१ वर्षीय सागर चौधरीलाई आइतबार प्रहरीले पक्राउ गरेको हो।
प्रहरी चौकी कालाकुण्डा र इलाका प्रहरी कार्यालय टीकापुरबाट खटिएको प्रहरीले उनलाई पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।
