काठमाडौं । अमेरिकी राष्ट्रपति चुनावअघि बुधबार उपराष्ट्रपतिका उम्मेदवारहरूबीच बहस भएको थियो । डेमोक्रेटिक उम्मेदवार टिम वाल्ज र रिपब्लिकन उम्मेदवार जेडी भान्सले ९० मिनेटसम्म बहस गरेका थिए । बहस सीबीएस न्यूजले आयोजना गरेको थियो।
बहसपछि गरिएको सर्वेक्षणमा डोनाल्ड ट्रम्पका सहकर्मी उम्मेदवार जेडी भान्स विजयी घोषित भएका छन् । सीबीएस युगभ पोलका अनुसार ४२ प्रतिशत मानिसहरूले भान्सलाई बहसको विजेता मानेका छन्। ४१ प्रतिशत मानिसहरूले टिम वाल्जले जितेको विश्वास गरे । १७ प्रतिशत मानिसहरूले प्रतियोगिता ड्र हो भनेर विश्वास गरे।
बीबीसीका अनुसार वाल्जको सुरुवात राम्रो भएन तर पछि उनले राम्रो कमब्याक गरे । धेरै विज्ञहरूले रिपब्लिकन उम्मेद्वार भान्सले सरल शब्दहरूमा आफ्नो विचार व्यक्त गरेको बताए । अमेरिकामा नोभेम्बर ५ मा राष्ट्रपति पदका लागि चुनाव हुँदैछ ।
दुवै प्रमुख दलको यो अन्तिम बहस थियो । राष्ट्रपति पदका लागि हालसम्म दुईवटा बहस भइसकेको छ । अमेरिकी राष्ट्रपति जो बाइडेन पहिलो बहसपछि दौडबाट बाहिरिएका थिए। उनको ठाउँमा उपराष्ट्रपति कमला ह्यारिसले ट्रम्पसँगको दोस्रो बहसमा भाग लिइन् ।
