काठमाडौं । पाकिस्तानी तीर्थयात्री बोकेको बस इरानमा मंगलबार दुर्घटनामा परेको छ ।
यस दुर्घटनामा कम्तीमा २८ यात्रुको मृत्यु भएको छ भने २३ जना घाइते भएका छन् । मृत्यु हुनेमा १७ जना महिला र ११ जना पुरुष रहेको संकट व्यवस्थापन महानिर्देशकले जानकारी दिए । ती सबै इराक जाँदै थिए।
दुर्घटनामा परी घाइते भएका २३ जनामध्ये ७ जनाको अवस्था चिन्ताजनक रहेको विपद् व्यवस्थापन महानिर्देशकले जानकारी दिए ।
पाकिस्तानी स्थानीय वेबसाइट डनका अनुसार दुर्घटना हुँदा बसमा ५३ जना यात्रु थिए।
समाचार एजेन्सी रोयटर्सको रिपोर्ट अनुसार इरानको याजद सहरमा मंगलबार राति ब्रेक सिस्टम फेल भएर दुर्घटना भएको हो ।
दुर्घटनापछि पाकिस्तानी राष्ट्रपति आसिफ अली जर्दारीले परराष्ट्र मन्त्रालयलाई शव स्वदेश ल्याउन र घाइतेहरूलाई समयमै सहयोग उपलब्ध गराउन निर्देशन दिएका छन्।
इरान आफ्नो खराब ट्राफिक प्रणालीको लागि परिचित छ र यहाँ हरेक वर्ष २० हजार मानिस दुर्घटनामा मर्छन्।
