काठमाडौँ। सनराइजर्स हैदरावादलाई पराजित गर्दै कोलकाता नाइट राइडर्सले २०२४ को इन्डियन प्रिमियर लिग (आईपीएल)को उपाधि जितेको छ।
आइतबार सम्पन्न फाइनलमा कोलकाता ८ विकेटले विजयी भएको हो। कोलकाताको तेस्रो आईपीएल उपाधि हो।
पछिल्लोपटक कोलकाताले सन् २०१४ को फाइनलमा किंग्स पञ्जाब ११ (पञ्जाब किंग्स)लाई ३ विकेटले पराजित गर्दै कोलकाताले उपाधि जितेको थियो। त्यसभन्दा अगाडी सन् २०१२ मा चेन्नई सुपर किंग्सलाई ५ विकेटले पराजित गर्दै कोलकाताले पहिलोपटक आईपीएल उपाधि जितेको थियो।
तेस्रो उपाधि जित्नेक्रममा हैदरावादले दिएको ११४ रनको लक्ष्य कोलकाताले १०.३ ओभरमा २ विकेट गुमाएर पूरा गर्यो।
