नाइजेरिया। नाइजेरियामा १६ सैनिकको मृत्यु भएको छ ।
दक्षिणी राज्य डेल्टामा दुई समुदायबीचको झडप रोक्नको लागि अभियानमा रहेका १६ नाइजेरियाली सैनिकको मृत्यु भएको सेनाका प्रवक्ताले जानकारी दिएका छन ।
बोमाडी क्षेत्रमा तैनाथ १८१ एम्फिबियस बटालियनका सेनाले ओकुमा समुदायमा भएको द्वन्द्वको जवाफ दिने क्रममा उनीहरू मारिएका ब्रिगेडियर जनरल टुकुर गुसाउले शनिबार एक विज्ञप्तिमा भने।
‘कमान्डिङ अफिसरको नेतृत्वमा रहेको सुदृढीकरण टोलीलाई पनि आक्रमण गरियो, जसमा कमाण्डिङ अफिसर, दुई मेजर, एक क्याप्टेन र १२ सैनिकको मृत्यु भयो,’ उनले भने। गुसाउका अनुसार रक्षा प्रमुखले पनि तत्काल अनुसन्धान र संलग्नलाई पक्राउ गर्न निर्देशन दिएका छन्।
‘अहिलेसम्म, केही गिरफ्तार गरिएको छ जबकि आक्रमण पछिको उद्देश्य पत्ता लगाउनका लागि कदमहरू भइरहेको छन्,’ उनले भने ।
डेल्टा राज्यका धेरै समुदायहरूमा ऊर्जा कम्पनी क्षेत्रमा बारम्बार झडपहरू भइरहेका छन, भूमि वा तेल रिसाइलको लागि क्षतिपूर्तिको सबालमा ती झडप भइरहेका हुन् ।
यसबाहेक द्वन्द्वले नाइजेरियाको उत्तरी र मध्य क्षेत्रहरूलाई पनि प्रभावित पारेको छ, जहाँ सशस्त्र समूहहरू सक्रिय छन् र सरकारी सेनाहरूलाई दुर्व्यवहार गरेको आरोप लगाइएको छ।
यस वर्षको सुरुमा नाइजेरियाको केन्द्रीय पठार राज्यमा नयाँ हिंसामा कम्तिमा ३० जनाको मृत्यु भएको थियो, जहाँ मुस्लिम गोठालाहरू र क्रिश्चियन खेती गर्ने समुदायहरूबीच वर्षौंदेखि झडप भइरहेको छ।
