मुम्बई । गत फेब्रुअरी ९ मा ‘तेरी बातों मे ऐसा उल्झा जिया’, ‘लाल सलाम’ र ‘ईगल’ सँगै पर्दामा रिलिज भएका थिए ।
सबै चलचित्रले बक्स अफिसमा राम्रो व्यापार गरिरहेका छन् । कतिपय चलचित्रले बक्स अफिसमा हावी गरिरहेका छन् भने कतिपयले आफ्नो बजेट पूरा गर्न संघर्ष गरिरहेका छन् । त्यो मध्य रजनीकान्तको लाल सलामले राम्रो ब्यापार गर्न सकेको छैन ।
शाहिद कपुर र कृति सेननको फिल्म ‘तेरी बातों मे ऐसा उल्झा जिया’ ले बक्स अफिसमा राम्रो व्यापार गरिरहेको छ । फिल्मले घरेलु बक्स अफिससँगै विश्वभर राम्रो व्यापार गरेको छ । फिल्मले पहिलो हप्ता तीन दिनमा विश्वभर ५५.१० करोड कमाएको छ । योसँगै यो शाहिद कपूरको अहिलेसम्मकै उत्कृष्ट ओपनिङ विकेन्ड फिल्म बनेको छ ।
‘तेरी बातों मे ऐसा उल्झा जिया’ मा शाहिद कपुर र कृति सेनन मुख्य भूमिकामा छन् । धर्मेन्द्र र डिम्पल कपाडिया पनि महत्वपूर्ण भूमिकामा देखिएका छन् ।
उता, रवि तेजाको फिल्म ‘ईगल’ पनि फेब्रुअरी ९ मा हलमा रिलिज भएको थियो । चलचित्रलाई दर्शकले रुचाएका छन् र कमाई पनि गरिरहेका छन् । ‘ईगल’को तीन दिनको विश्वव्यापी कलेक्सन पनि सार्वजनिक भएको छ, जसअनुसार फिल्मले तीन दिनमा ३० करोडभन्दा बढीको व्यापार गरेको छ । फिल्मले पहिलो दिन विश्वभर ११ करोड ९० लाख र दोस्रो दिन ९ करोड कमाएको थियो । अब ट्रेड एनालिस्ट रमेश बालाका अनुसार रवि तेजाको फिल्मले तेस्रो दिनको कलेक्सनसँगै तीन दिनमा कुल ३०.६ करोड कमाएको छ ।
कार्तिक गट्टामानेनीको निर्देशनमा बनेको ‘ईगल’को स्टार कास्टको कुरा गर्दा फिल्ममा रवि तेजा मुख्य भूमिकामा छन् । फिल्ममा काव्या थापर, अनुपमा परमेश्वरन, विनय राई, नवदीप र मधु पनि छन् ।
तर, साउथ सुपरस्टार रजनीकान्तको फिल्म लाल सलामको हालत भने निकै कमजोर रहेको छ । सैकनिल्क रिपोर्ट अनुसार ‘लाल सलाम’ले चौथो दिन करिब १.१३ करोड रुपैयाँ कलेक्सन गरेको छ । यो हेरेर मात्र फिल्ममा के हुन्छ भन्न सकिन्छ ।
लाल सलामले पहिलो दिन ३.५५ करोड, दोस्रो दिन ३.२५ करोड र तेस्रो दिन ३.१५ करोड कमाएको थियो । जसपछि कुल सङ्कलन ११.०८ करोड मात्रै पुगेको छ ।
यो फिल्म रजनीकान्तकी छोरी एेश्वर्या रजनीले बनाएकी हुन् । हरेक फिल्मको कमाई सप्ताहन्तमा बढ्छ । तर लाल सलाममा भने उल्टो भएको छ । फिल्मको ओपनिङ दिनपछि कमाई घट्दै गएको छ । यो फिल्मले ओपनिङ डेमा पनि खास कमाउन सकेकाे थिएन ।
