एजेन्सी । भारत र इंग्ल्याण्डबीच हैदरावादमा भइरहेको टेस्ट म्याचमा इंग्ल्याण्डका ब्याट्सम्यान जो रुटले सचिन तेन्दुलकरको कीर्तिमान तोडेका छन् ।
अहिलेसम्म भारत र इंग्ल्याण्डबीचको टेष्ट सिरिजमा सर्वाधिक रन बनाउने कीर्तिमान सचिन तेन्दुलकरको नाममा थियो । सचिनले ३२ टेस्ट खेलमा २५३५ रन बनाएका थिए ।
अहिले योभन्दा बढी रन बनाउने कीर्तिमान जो रुटको नाममा भएकाे छ ।
मैदानमा आउनुअघि जो रुटले भारत–इंग्ल्याण्ड टेस्ट सिरिजमा २५२६ रन बनाएका थिए । इंग्ल्याण्डको पहिलो इनिङ्सको २१औं ओभरको चौथो बलमा चौका प्रहार गर्दै रुटले सचिनलाई पछाडि छोडे ।
अब जो रुट भारत र इंग्ल्याण्डबीचको टेस्ट सिरिजमा सर्वाधिक रन बनाउने खेलाडी बनेका छन् ।
जो रुटले भारतविरुद्ध २९ रन बनाएर जडेजाको बलमा आउट भए ।
