काठमाडौं। कर्णाली प्रदेशले लुम्बिनी प्रदेशमाथि शानदार जित हासिल गरेको छ ।
बुधबार भैरहवामा सम्पन्न जारी प्रधानमन्त्री कप राष्ट्रिय क्रिकेट प्रतियोगिता अन्तर्गतको खेलमा कर्णाली प्रदेशले लुम्बिनी प्रदेशलाई ६० रनले पराजित गरेको हो । यसअघि दुई खेलमा लगातार हार बेहोरेको कर्णालीले पहिलोपटक हासिल गरेको हो ।
कर्णालीले दिएको १८५ रनको लक्ष्य पछाएको लुम्बिनीले ४१.२ ओभरमा अल आउट हुँदै केवल १२४ रन मात्र बनाएको थियो ।
यस अघि पहिला ब्याटिङ गरेको कर्णालीले ४५ ओभरमा ९ विकेट गुमाउँदै १८४ रन बनाएको थियो । मौसम खराब हुँदा यो खेल ४५-४५ ओभरमा खेलाइएको थियो ।
यो जितपछि कर्णाली प्रदेशले आफ्नो ३ खेलमा दोस्रो जित हासिल गरेको छ । ३ खेलमा ४ अंकसहित अंक तालिकामा पाँचौं स्थानमा उक्लिएको छ । त्यस्तै लुम्बिनी प्रदेशले भने आफ्नो तेस्रो खेलमा दोस्रो हार बेहोरेको छ ।
अब कर्णाली प्रदेशले आगामी शनिबार टियु मैदानमा मधेश प्रदेशविरुद्ध खेल्ने छ । त्यस्तै लुम्बिनी प्रदेशले अब अर्को खेल आगामी बुधबार त्रिभुवन आर्मी क्लबसँग खेल्ने छ ।
