सिरहा । आँपको रूखको हाङ्गा काट्ने विषयमा आफ्नै भाइसँग झगडा भई कुटपिट हुँदा घाइते भएका धनगढीमाई नगरपालिका-११ सोनापुर बस्ने ७८ वर्षीय हेम प्रसाद यादबको मंगलबार बिहान मृत्यु भएको छ ।
उनकै भाइ ७० वर्षीय गंगा प्रसाद यादब र गंगा प्रसादको छोरा ३२ वर्षीय जिबछ यादबसँग विवाद भई झै-झगडा हुँदा गम्भीर घाइते भएका हेम प्रसादको प्रादेशिक अस्पताल लहानमा उपचारको क्रममा मृत्यु भएको हो । प्रहरीले हाल फरार गंगा प्रसाद र जिबछको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।
