एजेन्सी । इजरायलको सेनाले उत्तरी गाजा पट्टीमा रहेको हमासको कमाण्ड संरचनालाई ध्वस्त पारेको जनाएको छ ।
इजरायली सेनाका प्रवक्ता डेनियल हगारीले पत्रकारहरूलाई भने, 'क्षेत्रमा प्यालेस्टाइनी लडाकुहरू अब छिटपुट र "कमान्डरहरू बिना" चलिरहेका छन्। इजरायलले उत्तरी गाजामा हालसम्म ८००० भन्दा बढी लडाकू मारेको छ।'
ड्यानियल हगारीले इजरायलको ध्यान अहिले दक्षिणी र मध्य गाजामा हमासलाई ध्वस्त पार्ने कुरामा केन्द्रित रहेको बताए ।
गाजामा हमास नियन्त्रित स्वास्थ्य मन्त्रालयले दावी गरेको छ कि इजरायलले गाजामा गत तीन महिनामा २२ हजार भन्दा बढी मानिसको हत्या गरेको छ।
शनिबार भने पछिल्लो २४ घण्टामा १२० जनाभन्दा बढीको मृत्यु भएको छ । इजरायलको बमबारीका कारण गाजामा चारैतिर विनाश छ र २३ लाख मानिस विस्थापित भएका छन् ।
