एजेन्सी । गाजामा इजरायलको बमबारीमा कुनै कमी आएको छैन। गाजाका अस्पतालहरूको भ्रमण गरेपछि संयुक्त राष्ट्रका एक अधिकारीले बीबीसीलाई यो कुरा बताए।
गाजाका अस्पतालहरूको अवस्था अत्यन्तै खराब छ र उनीहरूलाई आवश्यक औषधि र सामानहरू आपूर्ति गर्न संघर्ष भइरहेको छ।
संयुक्त राष्ट्र संघको मानवीय संस्था ओसीएचएकी जेम्मा कोनेलले बीबीसीलाई बताइन् कि उनले सोमबार मध्य गाजाको अल-अक्सा अस्पतालमा जे देखे त्यो "पूर्ण रूपमा नरसंहार" थियो।
अस्पतालमा क्षमताभन्दा धेरै बिरामी देखिएकाले गम्भीर घाइते भएका धेरैको उपचार हुन नसकेको उनले बताए ।
इजरायलका प्रधानमन्त्री बेन्जामिन नेतान्याहुले हालै भनेका थिए कि हामी यो लडाईलाई तिब्रता दिनेछौं र यो हमासको विनाश नभएसम्म जारी रहनेछ।
अमेरिकी विदेशमन्त्री एन्टोनी ब्लिन्केनले इजरायलले आक्रमणको तीव्रता घटाउनुपर्ने बताएपछि उनको बयान आएको हो।
एक अलग घटनाक्रममा, पेन्टागनले इरबिल एयरपोर्टमा आक्रमणको जवाफमा अमेरिकी सेनाले इराकमा "इरान समर्थित मिलिशियाहरू" विरुद्ध हवाई आक्रमण गरेको बताएको छ। जसमा तीन अमेरिकी सैनिक घाइते भएका छन् भने एकको अवस्था गम्भीर छ ।
अमेरिकी रक्षामन्त्री लोयड अस्टिनले अमेरिकी सेनाले हिजबुल्लाहका तीनवटा स्थानलाई निशाना बनाएको बताए ।
