काठमाडौं । प्रधानमन्त्री कप महिला राष्ट्रिय क्रिकेट प्रतियोगितामा चार खेल हुँदैछन्।
आज हुने खेलमा कर्णाली प्रदेशले लुम्बनी प्रदेशसँग खेल्दै छ। खेल त्रिवि मैदानमा हुने खेल बिहान साढे ९ बजे सुरु हुनेछ। तीन खेलमा पराजित कर्णाली आज पहिलो जितको खोजीमा हुँदा तीन खेलमा एकमात्र जित निकालेको लुम्बिनी दोस्रो जितको खोजीमा हुनेछ।
सोही समयमा मुलपानी मैदानमा हुने अर्को खेलमा गण्डकी प्रदेश र र मधेश प्रदेश आमनेसामने हुनेछन्। मधेश पनि लगातार तेस्रो हार व्यहोर्दै तालिकाको ७औँ स्थानमा छ। गण्डकी दोस्रो जितको खोजीमा हुनेछ।
आजै दिउँसो सवा १ बजे तालिकाको शीर्ष स्थानको विभागीय टोली एपीएफ र दोस्रो स्थानको कोशी भिड्ने छन्। दुवै टोली तीन खेलसम्म अपराजित छन्।
यस्तै सोही समय किर्तिपुर मैदानमा सुदूरपश्चिम प्रदेश र बागमती प्रदेश भिड्ने छन्। सुदूरपश्चिम दुई खेलमा जित निकाल्दै ४ अंकसहित तालिकाको तेस्रो स्थानमा छ भने समान दुई खेल जितको बागमती चारअंकका साथ चौथो स्थानमा छ।
