एजेन्सी । कुवेतका अमिर शेख नवाफ अल-अहमद अल-जाबेर अल-सबाहको निधन भएको छ। कुवेतको आधिकारिक न्यूज च्यानलमा यो जानकारी दिइएको हो ।
यसअघि टिभीमा प्रशारण हुने नियमित कार्यक्रम अचानक बन्द गरी कुरानको श्लोक देखाइएको थियो ।
कुवेतमा यो सामान्यतया तब मात्र हुन्छ जब शाही परिवारको कोहीकाे निधन हुन्छ। अमिर केही दिनदेखि स्वास्थ्य समस्याबाट ग्रसित थिए र गत महिना मात्रै अस्पताल भर्ना भएका थिए ।
शेख नवाफ अल-अहमद अल-जाबेर अल-सबाहले सेप्टेम्बर २०२० मा कुवेतको अमिरको पद ग्रहण गरेका थिए।
