काठमाडौं । चन्द्रागिरी नगरपालिका-२ स्थित नागढुङ्गाबाट विभिन्न किसिमका पटाका आइतबार बिहान प्रहरीले बरामद गरेको छ ।
नेपालगंजदेखि काठमाडौं आउँदै गरेको भे.१ ख.३८४७ र बुटबलदेखि काठमाडौं आउँदै गरेको लु.१ ख ३४३५ नम्बरको बसलाई प्रहरीले जाँच गर्ने क्रममा नागिन पटाका सानो २ ब्याण्डेलमा २ सय पिस, चक्कर १४ पिस, मिसाईल लेखिएका बम पटाका २ प्याकेटमा ६ पिस, सुतली बम पटाका ९ पिस, सानो गमला ६ पिस, ठुलो गमला १ प्याकेटमा १० पिस, झिरझिरे ४२ पिस र ४ प्याकेट, मिसाईल लेखिएका सानो बम पटाका ३ पिस र १२ सट लेखिएका २ प्याकेटमा २४ पिस फेला पारी बरामद गरेको हो ।
यस सम्बन्धमा प्रहरीले थप अनुसन्धान गरिरहेको छ ।
