काठमाडौं । नेपालले आईसीसी टी-२० विश्वकप एसिया क्षेत्र फाइनल छनोट अन्तर्गत सेमिफाइनल खेल युएईसँग खेल्ने भएको छ ।
अन्तिम खेलमा ओमानसँग ५ रनले हारेपछि नेपाल समूह एको उप-विजेताका रूपमा समूह बीको विजेता यूएईसँग भिड्ने भएको हो।
यो खेलमा जित हात पार्ने टोली विश्वकपमा छनोट हुने छ। खेल मुलपानी मैदानमा शुकबार हुनेछ । उक्त खेलमा विजयी भएमा नेपालले २०२४ मा अमेरिका र वेस्टइन्डिजमा हुने टि२० विश्वकप खेल्न पाउनेछ ।
बिहीबारको खेलमा नेपाल ओमानसँग ५ रनले पराजित भएको थियाे ।
टस जितेर पहिलो फिल्टिङको निम्तो पाएको नेपालले जितका लागि १४६ रनको लक्ष्य पाएको थियो। पहिले ब्याटिङ गरेको नेपालले २० ओभरमा ९ विकेट गुमाउँदै ओमानले १४५ रन बनाएको थियो।
सामान्य लक्ष्य पछ्याएको नेपाल १४० रनमा अलआउट हुन पुग्यो। ओपनर ब्याटर कुशल भुर्तेल २६ बाहेक कसैले पनि उल्लेख रन बनाउन सकेनन्।
सोमपाल कामी, सन्दीप जोरा र क्याप्टेन रोहित पौडेल १२/१२ रन बनाएर आउट भए भए कुशल मल्लले १० रन मात्र बनाउन सके।
सातौं नम्बरमा आएका विवेक यादवले २४ बलमा ३९ रन बनाए पनि अन्तिम बलमा छक्का हान्न नसक्दा नेपालले खेल गुमाउन पुग्यो।
ओमानलाई १४५ रनमा रोक्ने क्रममा नेपालका तर्फबाट बलर करन केसीले ३, सोमपाल कामीले २, सन्दीप लामिछानेले २ र गुलशन झा र अभिषेक बोहराले १ विकेट लिएका थिए। लामिछानेले एउटै ओभरमा ओमानका दुई जना ब्याटरलाई पेबेलियन फर्काएका थिए।
ओमानका ब्याटर जिसन मक्सुदले ३२ र प्रतीक अथाभलेले २४, साकिल अहमदले नटआउट २२ रन, आयन खानले १८ रन बनाए। अन्य ब्याटरले ठूलो योगदान गर्न सकेनन्।
त्रिवि क्रिकेट मैदानमा नेपालका कप्तान रोहित पौडेलले टस जितेर पहिला फिल्डिङ गर्ने निर्णय लिएका थिए।
