काठमाडाैं । फ्राइडे रिलिजअन्तर्गत आज दुईवटा चलचित्र रिलिज भएका छन् । ‘महानगर’ र ‘जय हो’ आजबाट रिलिज भएका हुन् ।
युवाको सपना र यथार्थ विभिन्न महोत्सवमा सहभागी भएर विजेतासमेत बनेको चलचित्र ‘महानगर’ (वान् नाइट इन् लेखक तथा निर्देशक मोहन राई हुन् । यो चलचित्रमा सपना बोकेर महानगर भित्रिने युवाको सपना र यथार्थलाई अभिव्यक्त गर्ने प्रयास गरिएको जनाइएकाे छ । मेनुका प्रधान र कर्मा यो सिनेमाको मुख्य भूमिकामा छन् ।
त्यस्तै, ‘जय हो’लाई टेक पौरखी राईले निर्देशन गरेका छन् । सलोन बस्नेत र केही अधिकारी चलचित्रको मुख्य भूमिकामा छन् । साथै माओत्से गुरुङ, निशा अधिकारी, अर्पण थापा, सुमिन गुरुङ, सुशान्त श्रेष्ठको पनि अभिनय रहेको छ । ‘जय हो’को कथा सुरेश न्यौपानेले लेखेका हुन् ।
