काठमाडौं। जारी इन्डियन प्रिमियर लिग (आईपीएल) मा शनिबारको पहिलो खेलमा लखनउ सुपर जायन्टसले सनराईजर्स हैदराबादलाई पराजित गरेको छ।
यो जितसँगै लखनउ प्लेअफ नजिक पुगेको छ। हैदराबादको घरेलु मैदान राजिव गान्धी क्रिकेट स्टेडियममा लखनउले सनराईजर्सलाई ७ विकेटले पराजित गरेको हो।
हैदराबादले दिएको १ सय ८३ रनको लक्ष्य लखनउले १९ दशमलब २ ओभरमा ३ विकेट गुमाएर पूरा गर्यो। लखनउका लागि प्रेरक माकन्डले ४५ बलमा ७ चौका र २ छक्काको सहयोगमा अविजित ६४ रनको अर्धशतकीय ईनिगं खेले।
यस्तै निकोलस पुरनले १३ बलमा ३ चौका र ४ छक्काको सहयोगमा सानदार ४४ रन बनाए। हैदराबादका लागि ग्लेन फिलिप्स,मंयक मारकन्डे र अभिषेक शर्माले समान १/१ विकेट लिए।
त्यसअघि टस जितेर पहिले ब्याटिङ गरेको हैदराबादले निर्धारित २० ओभरमा ६ विकेट गुमाएर १ सय ८२ रन बनाएको थियो।
हैदराबादका लागि हेनरिच क्लेसनले २९ बलमा ३ चौका र ३ छक्काको सहयोगमा सर्वाधिक ४७ रन बनाए।
