काठमाडौँ । इण्डियन प्रिमियर लिग (आइपिएल) अन्तर्गत कोलकोता नाइट राइडर्सले गुजरात टाइटन्सलाई १८० रनको लक्ष्य दिएको छ ।
टस हारेर पहिला ब्याटिंग गरेको कोलकोताले २० ओभरमा ७ विकेट गुमाउदै १७९ रन बनाएको हो ।
कोलकोताका लागि रह्मनुल्लाह गुरबाजले सर्बाधिक ८१ रन बनाएका थिए भने आन्द्रे रसेलले ३४ रन बनाए । त्यस्तै नारायण जागादीसान र रिंकु सिंहले १९-१९ रन बनाए ।
त्यसैगरी गुजरातका बलर मोहमद शामीले ३ विकेट लिए भने जोश लिटल र नूर अहमदले २-२ विकेट लिए ।
जारी आइपिएलमा गुजरातको ७ खेलमा ५ जितसहित १० अंक छ र अंकतालिकामा तेस्रो स्थानमा रहेको छ भने कोलकोताले ८ खेलमा ३ खेल मात्र जितेको छ । कोलकोता ६ अंकसहित सातौं स्थानमा छ ।
