काठमाडौं । गृह मन्त्रालयले नेपाल प्रहरीका दुईजना प्रहरी नायब महानिरीक्षक (डिआइजीपी)को काज सरुवा गरेको छ ।
प्रहरी प्रवक्तासमेत रहेका डिआइजीपी पोषराज पोखरेलको काठमाडौँ उपत्यका ट्राफिक प्रहरी कार्यालय रामशाहपथमा र योजना तथा अन्वेषण निर्देशनालयका रामदत्त जोशीलाई विशेष ब्यूरोमा सरुवा गरेको हो ।
पोखरेलको सरुवा भएसँगै प्रहरी प्रवक्ताको जिम्मेवारीसहित प्रहरी महानिरीक्षकको सचिवालयमा डीआइजीपीको पद रिक्त भएको छ भने जोशी जिम्मेवारी सम्हालिरहेको अन्भेषण निर्देशनालय पनि रिक्त भएको छ ।
गृह मन्त्रालय स्रोतका अनुसार केही दिन भित्रमा नै प्रहरी वरिष्ठ उपरीक्षक (एसएसपी)बाट डीआईजीपीमा बढुवा गर्ने तयारी भइरहेकाले रिक्त रहेका स्थान बढुवापछि पदपूर्ति हुनेछन् ।
