काठमाडौँ । नेपाली राष्ट्रिय क्रिकेट टोलीका खेलाडी सोमपाल कामीले क्यानडामा आयोजना हुने फ्लावर सिटी टी–ट्वान्टी लिग २०२३ खेल्ने भएका छन् । तीव्र गतिका बलर कामीलाई लिगमा ओटावा फाल्कोनले अनुबन्धन गरेको हो ।
वेस्ट इण्डिजका खेलाडी चाडविक वाल्टन लगायतका खेलाडी सो क्लबमा आबद्ध रहेका छन् । फल्कोनसहित टोरन्टो लायन्स, वाटरलोड किंग्स, ह्यामील्टन वन्डर्स, मिस्सिसौगा स्कोरपियन्स र ब्राप्टन राईट्ससहित ६ टोली अबद्ध लिग आगामी जुनमा आयोजना हुनेछ ।
