खोटाङ । खोटाङको दिक्तेलमा जारी अनुप स्मृति गोल्डकपको उपाधिका लागि नेर्पा स्पोर्टस क्लब नेर्पा र आयोजक दिक्तेल फुटबल क्लब (डिएफसी) बीच प्रतिष्पर्धा हुने भएको छ । फाइनल खेल शनिबार बिहान ११ बजेपछि हुने खेल संयोजक युधिर शाक्यले बताए ।
बिहीबार दिक्तेलको माटिकोरे खेलमैदानमा भएको सेमीफाइनल खेलमा चियाबारी फुटबल क्लब ईलामलाई ६–२ गोल अन्तरले हराउँदै नेर्पा स्पोर्टस क्लब र मानेभन्ज्याङ स्पोर्टस क्लब ओखलढुंगालाई ६–५ गोल अन्तरले हराउँदै आयोजक डिएफसी फाइनलमा पुगेको हो । पेनाल्टी सुटआउटमा डिएफसीले मानेभन्ज्याङ स्पोर्टस क्लबलाई हराएको हो ।
निर्धारित समयमा एकरएक गोल भएपछि अतिरिक्त समयमा कुनै पनि गोल नहुँदा खेल पेनाल्टी सुटआउटमा पुगेको थियो । फाईनलमा पुगेको नेर्पा गोल्डकपको दोस्रो संस्करणको विजेता हो । हारसँगै चियाबारी फुटबल क्लब र मानेभन्ज्याङ स्पोर्टस क्लब सेमीफाइनलिष्ट बनेको छ ।
२०६९ जेठ १ गते ट्याक्टरले किच्दा ज्यान गुमाएका माउण्ट एभरेष्ट बोर्डिङ स्कुल दिक्तेलका छात्र अनुप राईको स्मृतिमा माउण्ट एभरेष्ट इंग्लिस बोर्डिङ स्कुल र दिक्तेल फुटबल क्लबको आयोजना तथा खोटाङ फुटबल एकेडेमी९केएफए०को सह–आयोजनामा गोल्डकप सञ्चालन गरिएको हो ।
गत पुस १७ गतेदेखि जारी गोल्डकपको विजेताले दुई लाख ५१ हजार, उपविजेताले एक लाख ११ हजार र दुई सेमिफाइनलिष्ट टिमले २५र२५ हजार सहित कप, मेडल र प्रमाण–पत्र प्राप्त गर्नेछन् । यस्तै, उत्कृष्ट गोल रक्षक, उत्कृष्ट डिफेन्स, उत्कृष्ट मिडफिल्डर, उत्कृष्ट स्ट्राइकर र उत्कृष्ट टिम प्रशिक्षकले नगद पाँच हजार ५५५ सहित ट्रफी, मेडल र प्रमाण–पत्र पाउनेछन् । अनुशासित टिमले नगद पाँच हजार ५५५ का साथमा ट्रफी र प्रमाण–पत्र पाउनेछन् । मेन अफ द टुर्नामेन्ट र सर्वाधिक गोलकर्ताले नगद सात हजार ५५५ सहित ट्रफी, मेडल र प्रमाण–पत्र प्राप्त गर्ने आयोजकले जनाएको छ ।
२०७३ चैत २३ गतेदेखि २७ सम्म अनुप स्मृति गोल्डकपको पहिलो र २०७५ बैशाख २६ गतेदेखि ३१ गतेसम्म दोश्रो संस्करण आयोजना गरिएको थियो । पहिलो र दोश्रो संस्करण प्रत्येक वर्ष गरिए पनि कोभिड–१९ को महामारीका कारण तेश्रो संस्करण पछाडि धकेलिएको थियो । अनुप स्मृति गोल्डकपलाई तेश्रो संस्करणबाट आमन्त्रित गोल्डकपमा परिणत गरिएको हो ।
अनुप स्मृति गोल्डकपलाई क्रमशः राष्ट्रव्यापी बनाउँदै ‘ए’ र ‘बि’ डिभिजन लिगका खेलाडीलाई स्थानीय मैदानमा उतार्ने आयोजकको लक्ष्य छ । दृर्घटनामा ज्यान गुमाएका छात्रको सम्झना र खेल र खेलाडीको व्यवसायीक बृत्तिकालागि गोल्ड कपको अवधारणा अघि सारिएको मूल आयोजक समिति मूल आयोजक समिति संयोजक सागर जोशीले बताए ।
