काठमाडौं । नेपालमा पछिल्लो २४ घण्टामा १२ जना नयाँ कोरोना संक्रमित थपिएका छन् ।
स्वस्थ्य तथा जनसंख्या मन्त्रालयका अनुसार पीसीआर र एन्टिजेन गरी ३ हजार ३८७ जनाको नमुना परीक्षण गर्दा १२ जनामा कोरोना भाइरसको संक्रमण पुष्टि भएको हो ।
यस्तै, थप १३ जना निको भएसँगै कोरोनाका सक्रिय संक्रमितको संख्या एक सय २४ जनामा झरेको छ । पछिल्लो २४ घण्टामा कोरोना भाइरसको संक्रमणका कारण कसैको पनि ज्यान गएको छैन ।
