काठमाडौं । नेपालमा पछिल्लो २४ घण्टामा ६ जना कोरोना संक्रमित थपिएका छन् । आज थपिएकासँगै नेपालमा सक्रिय संक्रमितको संख्या १४७ रहेको छ ।
स्वास्थ्य तथा जनसंख्या मन्त्रालयले मंगलबार दिएको जानकारी अनुसार २ हजार ८५६ पीसीआर परीक्षणमा ६ जना र ६१७ एन्टिजेन परीक्षणमा ० जना गरी कुल ६ जनामा भाइरसको संक्रमण पुष्टि भएको हो ।
त्यस्तै, विगत २४ घण्टामा कोरोना संक्रमणबाट कसैको पनि मृत्यु भएको छैन । नेपालमा कोरोना संक्रमणका कारण मृत्यु हुनेको संख्या ११ हजार ९५२ पुगेको छ ।
यसैगरी, ८ जना निको भएसँगै हालसम्म ९ लाख ६६ हजार ९२९ जना कोरोना संक्रमणबाट मुक्त भएका छन् ।
